Ikastaroetako proposamena berria jasotzeko prest agertu da udala; momentuz, dantza, pilates eta joskintza jarriko dituzte martxan eta izen ematea asteazkenean amaituko da.
Ikasturte berriarekin batera hainbat ikastaro martxan jartzeko asmoa du Leaburu-Txaramako Udalak. Besteak beste, dantza, pilates eta joskintza. Horiek mantendu egingo dituzte, baina proposamen berriak jasotzeko prest daudela azaldu dute. "Gustuko duzuen ikastaro edo jarduerari buruzko ideiak bildu nahi ditugu, aztertu eta, ahal bada, egin ahal izateko", esan dute.
Dantzan, pilatesen edo joskintzan apuntatu nahi duenak asteazkena baino lehen eman beharko du izena, 943 675 931 zenbakira deituta edo udala@leaburutxarama.eus helbidera idatzita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
