Argazki galeria

San Sebastian eguna bezperatik ospatzen

Leaburun-Txaraman gaur ospatu dute San Sebastian eguna. Goizeko mezaren ondoren, dantza saioa eskaini diete haurrek ermita atarira bertaratutako herritarrei. Ondoren, hamaiketakoa egin dute herriko ostatuan.

Bihar ospatuko da San Sebastian eguna. Festa egun handia izaten da Donostian eta Azpeitian, baina eskualdeko zenbait herritan ere ospatzen dute, besteak beste, San Sebastian ermita duten herrietan: Berastegin, Berrobin, Leaburu-Txaraman eta Orendainen.

Leaburuarren kasuan, bezperako eguna baliatu dute festarako. Ohiturei eutsiz, goizean, meza izan da ermitan. Ondoren, herriko dantzariek emanaldia eskaini dute ermita atarian. San Sebastian martxa dantzatuz ekin diote emanaldiari. Ondoren, Euskaraldiako abestiaren gainean prestatutako koreografia dantzatu dute, baita Huntza taldearen doinuekin prestatutakoa ere. Azkenik, arin-arina eta kalejira ere dantzatu dituzte.

Behin dantzarien saioa amaituta, herriko ostatura igo dira herritarrak, hamaiketakoa egitera. Gainerako herrietan, biharko eguna baliatuko dute ospakizunetarako.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!