Urteak daramatzate Lapurdiko Larresoroko eta Leaburu-Txaramako herritarrek hartu-emanetan. Maiatzaren erdi aldera etorri ziren azkenekoz Senidetze Eguna ospatzera Larresoroko herritarrak, eta datorren iganderako Lapurdira irteera antolatu du Leaburuko Udalak.
Larresoron harri-zubiko jaiak ospatuko dituzte asteburu honetan, eta udalak autobusa jarriko du herritarrentzat. 09:45ean aterako Leaburutik eta 10:00etan jasoko ditu txaramarrak.
Larresorora iristean, 11:00k aldera, bertso pilota izango da; 12:30ean zintzur bustitzea eta toka txapelketa antolatu dituzte eta 13:30ean bazkaltzera eseriko dira. Arratsaldean, 17:00ak aldera, zozketa, taloak eta erromeria edukiko dituzte.
Ostirala baino lehen eman beharko da izena udal bulegoetara deituta: 943 67 5931.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
