Atzo arratsaldean eman zieten hasiera Txaramako festei. Afari autogestionatua egin zuten, eta Imanol Ituño magoaren ikuskizunaz gozatzeko aukera izan zuten jarraian.
Gaur, haurren jolasekin hasi dute festa eguna eta txokolate jatearekin eman diote jarraipena. Arratsalde erdian segalarien erakustaldia ikusteko aukera izan da plaza ondoko belazeetan, eta horren ostean, 20:30ak aldera, argazki erraldoia aterako dute, herriko preso zein eskualdekoei bidaltzeko. Jarraian, herri afaria izango dute elkartean, Oihana Iguaran eta Angel Mari Peñagarikano bertsolariek alaituta.