Larresoroko herritarrak Leaburu-Txaramara etorri dira, bi herrien arteko senidetza ospatzeko. Berta, hamaiketakoaz, dantzariez, pilota partidez nahiz bazkariaz gozatzeko aukera izan dute.
Leaburu-Txarama eta Larresoro (Lapurdi) ez daudela hain urrun erakutsi dute beste behin ere. Izan ere, duela hogei urte baino gehiagotik egiten den bezala, bi herrien arteko senidetzen festa ospatu dute gaur ere. Larresoroarrak Leaburu-Txaramara etorri dira eta egun osoko festa izan dute bertan. Goizean, hamaiketakoa egin dute frontoian eta herriko dantzariek ongi etorria egin diete. Ondoren, pilota partidak jokatu dituzte gazte nahiz helduek eta toka txapelketa ere izan dute. Gainera, festari amaiera emateko, herriko ostatuan elkarrekin bazkaltzeko aukera ere eduki dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!