Igandean, azaroaren 25ean egingo dute irteera. 12:30ean abiatuko dira Leaburutik autobusez, eta 12:45ean Txaraman egingo du geldialdia.
Alkizako Urruzola txakolindegiko bodega ezagutu ostean, dastaketa txiki bat egingo dute. Gero, bazkaria izango dute. Honakoa da menua: frijituak, bakailao eta barazki tortilla, hegaluzea parrilan, arkumea, gazta tarta eta kafea. Edateko, berriz, txakolin zuria eta txakolin gorria izango dituzte. Txartelaren prezioa 35 eurokoa da.
Izena emateko epea bihar, azaroak 20, amaituko da. Horretarako 943 67 59 31 telefonora deitu beharko da.