Michelton-Scott Robert Power izan da garaile Ordiziako 95. Klasikoan. 2016. urtean txapeldun izan zen Simon Yates taldekidearekin batera helmugaratu da australiarra. Hirugarren Krists Neilands lituaniarra (Israel Cycling Academy) izan da da.
20 txirrindularik osatu dute eguneko ihesaldia, izen handiekin: Yates bera, Matteo Trentin, Ruben Plaza... Horien artean zen Jon Irisarri leaburuarra. Helmugako hirugarren pasaeran 1:10eko tartea ateratzen zioten tropelari. Altzo eta Abaltzisketa lehen aldiz igo ostean, 15 lasterkari geratu dira lasterketa buruan, eta aldea zabaldu dute: 2:30 pasatxoraino.
Altzoko bigarren igoeran sei txirrindulariko taldea osatu dute aurrealdean: Irisarri bera, Rubio, Habton, Juaristi, Aitor Gonzalez eta Simon Yates. Abaltzisketara igotzen hasi aurretik, Rob Power gehitu zaie, eta erasora jo du australiarrak, Yates taldekidearekin batera. Bera izan da azkarrena Ordiziako helmugan.
Lehen euskalduna Jon Irisarri (Caja Rural) leaburuarra izan da, eta berak irabazi du Sprint berezien saria.