Bost urte inguru daramatzate ofizialki senidetuta Leaburu-Txaramak eta Larresorok. Hala ere, 16. urtean ezagutu zuten elkar XIV Orduko Ibilaldian; ordutik, urtero elkartzen dira. Txandaka egiten dute, urte batean Lapurdira joaten dira, eta bestean alderantziz. Gaur, autobusa bete dute eta Leaburuko plazara iritsi dira hamaikak inguruan. Lehendabizi, herriko gaztetxoenek dantza egin diete harrera gisa. Jarraian, hamaiketakoa egin dute, eta ondoren, bertso pilota izan da Beñat Gaztelumendi eta Oihana Iguaran bertsolariekin, eta pilota partidetan herriko gaztetxoak aritu dira batetik, eta Lizaso-Esnaola Etxabarri-Errekaren aurka, bestetik. Senidetze festa amaitzeko, denek elkarrekin bazkaldu dute.