Larresoroko herritarren bisita jasoko dute, maiatzaren 6an, Leaburu-Txaraman. Anaieratze festa ospatuko dute egun horretan. 11:00etan ongi etorria egingo diete, dantzariekin, Leaburuko pilotalekuan eta segidan hamaiketakoa egingo dute.
12:00etan, berriz, bertso-pilota saioa izango da, Beñat Gaztelumendi eta Oihana Iguaranekin. Pilota partidetan, berriz, herriko gaztetxoez gain, Lizaso eta Esnaola, Etxabarri eta Errekaren aurka arituko dira.
14:30ean, berriz, elkarrekin bazkalduko dute herriko ostatuan. Txartelak hilaren 30a bitarte erosi daitezke 943 67 59 31 telefono zenbakira deituta. Helduek 22 euro ordaindu beharko dituzte eta haurrek 10 euro.
Helduen menua: entsalada mista, bakailao tortilla, parrillan erretako saihetsa, eta gazta eta irasagarra. Kafea ere menuaren barruan izango da. Haurrentzat, berriz, makarroiak eta solomoa izango dira.