ataria.eus

Larresoroko urteroko festa, maiatzaren 6an

gizartea  Leaburu-Txarama

Iritsi da aurtengoa ere. Leaburu-Txarama eta Lapurdiko Larresoro herriak senidetuta daude, eta urtero elkartu eta egun pasa egiten dute. Aurten Leaburun elkartuko dira, maiatzaren 6an.

Larresoroko urteroko festa, maiatzaren 6an
Larresoron egindako bazkariko artxiboko irudia. | Ikusi handiago | Argazki originala

Bisita dela eta bazkaria egingo dute eta izena apirilaren 30a arte eman daiteke 943 67 59 31 telefono zenbakira deituta. Bazkaria ostatuan izango da eta helduek 22 euro ordaindu beharko dituzte eta haurrek 10 euro.

Bazkaria baino lehen, ongi etorri emango diete, noski. 11:00etan izango da ongi etorria frontoian eta dantzariek hartuko dute parte. Ondoren, hamaiketakoa egingo dute, eta 12:00etan bertso pilota izango da Beñat Gaztelumendi eta Oihana Iguaran bertsolariekin, eta pilota partidetan herriko gaztetxoak ariko dira batetik, eta Lizaso-Esnaola Etxabarri-Errekaren aurka, bestetik.

Larrosoroko eta Leaburu-Txaramako bizilagunek 1996. urteko XIV Orduko Ibilaldian ezagutu zuten elkar, eta ordutik urtero elkartzen dira. Txandaka egiten dute, urte batean Lapurdira joaten dira leaburuarrak, eta bestean alderantziz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa