Irisarrik EITBri azaldu zioenez, «etapa luzea eta gogorra» izan zen. Taldea ondo dagoela eta bera «gustura eta sentsazio onekin» dagoela gaineratu zuen. Gaurkoan erlojuaren aurkakoa izango dute Itzulian, Lodosa-Sartaguda-Lodosa artekoa. Irisarri 107. postuan doa lehenengo hiru etapak igarota, liderrarengandik 13'49''ra.
Jon Irisarri Caja Ruraleko txirrindulari leaburuarra protagonistetako bat izan zen atzoko Euskal Herriko Itzulian. Zortzi txirrindulari egon ziren ihes eginda Bermeo eta Gaubea artean jokatutako etapan, eta horietako bat Irisarri bera izan zen. Azkenean tropelak ihesaldia bertan behera utzi zuen eta esprintean erabaki zen oso lehiatua eta gogorra izan zen etapa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!