Joan den igandean erretirodunen egunak sanpedroen atarikoa iragarri zuen, eta gaur bai, gaur, ekainaren 29an, Leaburuko eguna handia ospatzen ari dira: San Pedro eguna.
Meza nagusiaren ondotik, urteroko moduan, hamaiketakoa egin dute ostatuan, eta mahaiaren bueltan elkartu dira leaburuar belaunaldi guztiak; gaztetxoenak ilusioz ziren, herriko jaietako zapi morea lepoak lotuta.
Aurten, gainera, mahaiaren inguruko belaunaldi eta garai truke hori islatu dute plazan. Argazki erakusketa prestatu dute elizako atarian, aspaldiko irudiak eta gaur egungoak nahastuz, eta herritarren jakin mina piztu du egitasmoa, aurpegi guztiak ezagutu nahian.