Eusko Jaurlaritzaren Segurtasun Sailak jakitera eman duenez Oriako ertzain-etxeko agenteek 27 eta 29 urteko bi gizon atxilotu zituzten atzo, Leaburuko enpresa batean ustez ebasketa egitea egotzita. 220 kontagailu elektriko kargatu zituzten atxilotuek beren furgonetan.
Segurtasun Sailak emandako datuen arabera atzoko berria da. Goizeko hamaikak aldera "Ertzaintzaren Oria eskualdeko patruilak Leaburutik hurbil dagoen enpresa batera gerturatu ziren, bi gizonezkok kontagailu elektrikoak lapurtu baitzituzten". Instalazioko langileek 112 telefono zenbakira deitu zuten, eta barrutira sartzeko guneak blokeatu zituzten, susmagarrien furgonetak ihes egin ez zezan. Agenteek bi gizonezko identifikatu zituzten, eta furgoneta barruan 220 kontagailu elektriko topatu zituzten, instalazioetatik harrapatutakoak. Gauzak honela, biak atxilotu zituzten ustez ebasketa delitu bat egin izana egotzita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!