Gaztelun egin berri duten moduan, herriko adinekoekin proiektua ari dira burutzen Leaburu-Txaraman. Euren oroitzapenekin herriko historia osatuko dute, parte hartzea bultzatzearekin batera.
Uli Mankomunitateko dinamizatzaileak ari dira ekimena gauzatzen. Leaburun bi saio egin dituzte, eta Txaraman beste bi. Azken honetan, gaur egingo dute hirugarren saioa. Aurrekoetan egin bezala, auzoko adinekoak deitu dituzte gaurko, 16:30ean, eskolan. Garai bateko herriko pasadizoak gogoratuko dituzte denen artean, eta horrela pixkanaka historia idatziko dute. Udaletik nahiz Uli Mankomunitatetik txaramar guztiak animatu dituzte bileran parte hartzera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!