Ostiral arratsaldean Leaburuko liburutegian herriko gaztetxoenentzat marrazki leihaketa egin zen. Artista txiki hauek Leaburuko festak irudikatu zituzten beraien marrazkietan dantzari, bertsolari, herri kirolak eta suziriekin festa giroa jarriaz. Gaiaz gain, txukuntasuna, bizitasuna eta originaltasuna baloratu zituen epaimahiak, eta bitartean, txokolate eta bizkotxoak dastatzeko aukera izan zuten txikienek.
Saioari amaiera sari banaketarekin eman zitzaion. Izadi, Ibai eta Oihanen marrazkiak aukeratu ziren San Pedro jaietako programazioan jartzeko. 22 partaideentzat saritxo bana izan zen, eta guztiekin erakusketa egingo da herriko jaietan.