Larraulen kultur astea egiten ari dira eta gaur, azoka eguna izan dute. Hala, goizean, artisau eta nekazari ugari bildu dira plazaren bueltan; hamabost postu inguru izan dira, eta denetariko produktuak ikusi, dastatu eta erosteko aukera izan da horietan. Horrez gainera, jan-edana ere izan da, eta herritarrek egindako pintxoak saltzen aritu dira.
Datorren larunbatean amaituko da Larraulgo kultur astea, eta ordura arte izango da zertaz gozatu bertan. Gaur, esaterako, Eneko Gutierrezek Izeba Felixaren irratia izeneko magia ikuskizuna eskainiko du, 16:30etan, eta ondoren, talo eta gaztaina jatea egingo dute, 18:00tan, Katilutxullo elkartean.
Amaitzeko, azaroaren 29an, Lola Altolagirrek Arto hostoaren trentza izeneko tailerra eskainiko du, 10:00etan, Ekomuseoan.
