Gaur hasi dituzte herriko jaiak Larraulen, eta ohi bezala suziria bota ondotik jaitsi dute Pello Joxepe kanpandorretik plazara. Bidean trabaren bat edo beste izan du, baina berehala konpondu eta Lasko txarangaren doinuekin hasi dituzte herriko jaiak.
Gure plaza Txo! ekimenean parte hartu duten gaztetxoek irakurri dute festen hasierako pregoia, eta segidan gozokiak bota dituzte udaletxeko balkoitik.
