Goizean, yoga ikastaroa egin dute Urkipen, eta ondoren, parke berrian, oreka eta akrobazia saioa izan da Txitatokiko lagunekin.
Larraulgo Udalak, ohi moduan, Kirol Astea antolatu du. Hain justu, ostegunean abiatu zituzten ekintzak eta gaur arte izan dute zertaz gozatu herritarrek. Esaterako, goizean, Nekane Santamariak yoga ikastaroa eskaini du Urkipen, eta guztira, sei lagun izan dira meditazio saioaz gozatzen. Horren ostean, parke berrian, oreka eta akrobazia saioa izan da Txitatokiko lagunekin batera. Giro ederrean aritu dira haur, gazte zein heldu ugari zirku teknika ezberdinak ikasten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!