Adin guztietako herriko haur ugari bildu dira pilotalekuaren atzealdean zabaldu duten txirrista luzean. Eguraldia ez dute alde izan gaurkoan, eta askok ikustera bakarrik gerturatu dira. Hala ere, ur jolasetan ibiltzera animatu direnentzat euria ez da aitzakia izan bertan ez aritzeko. Honela, goiz guztian zehar ur jolasetan aritu dira.
Arratsaldean ere jolasean jarraitzeko aukera izango dute. Haur eta gazteen bazkariaren ondoren, puzgarriak izango baitituzte. Horren ostean, herri kirolen txanda izango da, 19:00etan. Iluntzean, berriz, Barrikotea eta Bide Batez taldearen kontzertuak izango dituzte, denen gozamenerako.
Bihar San Esteban Eguna ospatuko dute, eta egun guztian zehar izango da zertaz gozatu Larraulen. Egitarau guztia hemen ikusgai.
