Kadete mailan Adur Otaegi eta Iraitz Irazu ariko dira, jubeniletan Ugaitz Belauntzaran eta Urko Otaegi, eta nagusietan Jon Urbieta eta Iñaki Esnal. Ordezkoak Andoni Urbieta eta Xuban Irazu dira, biak nagusi mailakoak. Botilero lanetan Ibai Urbieta ariko da.
Udaletik pilotariak animatzera joateko deia egin diete herritarrei. Txosna bat jarriko da, eta festa giroa izatea espero dute. Gainera, partidaren bukaeran Larraulgo pilota eskolan noizbait ibili izan diren ikasle guztiekin batera argazkia aterako dute. 15 ikasturtetan 45 ikasle aritu dira, eta ikasle izan direnei bertara azaltzeko deia egin diete.