Larraulgo San Esteban jaien laugarren eguna dute gaur. Haurrentzako ekimenak egon dira egun osoan zehar. Ur jolasak eguerdian, eta puzgarriak bazkalostean. 80 ume inguru bildu dira, gainera, eguerdian egin duten umeen bazkarian.
Arratsaldean jai giroa nagusitu da plaza inguruan. 17:00etatik aurrera, Pedram Yazdani argazkilariak erretratuak atera dizkie larrauldarrei, txuri-beltzean. Horrekin batera, Txan Magoak emanaldia eskaini du eta Usarrabi kantu taldekoak plazan izan dira hainbat abesti kantatzen. Bien bitartean, mus txapelketa egin dute elkarte atarian.
Iluntzean herri afarian 70 lagun baino gehiago bilduko dira eta ondoren Puro Rejalo taldearen emanaldia izango da. Nafarrek euren saioa amaitzen dutenean DJ Zuga tolosarra arituko da musika jartzen.
Bihar amaituko dira sanestebanak Larraulen eta egitarau luzea prestatu dute.
