Txupinazoa botaz eta Pello Joxepe elizatik behera jaitsiz abiatu dira Larraulgo festak. Aurten Ayala Serrano eta Eñaut Urkaregi herritar eta txirrindulari gazteek bota dute jaien hasierako txupinazoa. Bertan, pandemiak eragindako une gogorrak ekarri dituzte gogora, baina aurtengo festetarako "indartsuago" eta "gogotsuago" daudela azpimarratu dute. Horrez gain, jai berdinzaleak eta errespetuan oinarritutakoak nahi dituztela aldarrikatu dute.
Behin suziria lehertuta, festak hartu du Larraulgo plaza. Umeentzako goxokiak bota dituzte udaletxeko balkoitik, eta batzuk ezustean harrapatu dituzte udaletxeko atetik korrika irten diren buruhaundi txikiak. Horren ostean, Joselontxo txarangaren doinuek girotu dute plaza.
Aurrerantzean ere ekintzaz beteko da Larraul. Ikusi hemen egitarau osoa.
