Bertso jarrien kantaldia Harituz Bertsozale Taldearen ekimen nagusi eta zaharrenetakoa da. 2012tik, urtero egin izan da, afari formatuan ia beti. Aurten, ordea, osasun egoeraren larritasuna medio, ekitaldia kantaldi formatuan egin dute formatu hobea izan daitekeelako bertso sortak abestu nahiz entzuteko. Aurtengo ekitaldia berezia izan da beste hainbat arrazoirengatik ere. Hainbat larrauldarrek euren sortak prestatu eta abestu zituzten herritarren aurrean, tartean, eskolako haurrek eta oholtza gainean inoiz gutxitan ikusi ohi den jendea ere ikusi eta entzun ahal izan zen ekitaldian.
Harituz Bertsozale Taldeak antolatuta bertso jarrien kantaldia egin zuten Larraulgo elizan. Eskualdeko bertsolari eta bertsozaleek bertso sorta berriak nahiz historikoak abestu zituzten Aitor Atxega gitarristak lagunduta.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!