Txupinazoa botaz eta Pello Joxepe elizatik behera jaitsiz abiatu dira Larraulgo festak. Aurretik, alkateak mezu bat ere irakurri nahi izan du. Bertan, festak antolatzen aritu diren guztiei eskerrak eman nahi izan dizkie eta beraien lana azpimarratu du. Horrez gain, sexu erasoak saihestea herritarren nahiz erakundeen lana dela gogorarazi du. Azkenik, festa zoriontsuak opatu dizkie herritar guztiei.
Behin suziria lehertuta, festak hartu du Larraulgo plaza. Umeentzako goxokiak bota dituzte udaletxeko balkoitik, eta batzuk ezustean harrapatu dituzte urez betetako puxikek. Gainera buruhandiak atera dituzte gazteek nahiz haurrek.
Aurrerantzean ere ekintzaz beteko da Larraul. Ikusi hemen egitarau osoa.