Aurrebenjaminetan, eskuz, Adei Lanzeta eta Aier Iraola adunarrak Iker Gorriti eta Igotz Urruzola alkizarren aurka ariko dira. Benjaminetan, eskuz, Xuhar Iparragirre eta Mattin Ormaetxea adunarrak Amasa-Villabonako Beñat Larrarte eta Oian Dieguezen aurka ariko dira.
Alebinetan, palaz, lau adunarren arteko lehia izango da: Irati Polo eta Alaitz Navarro bikotea, Jone Agirre eta Amaia Sarasola bikotearen aurka. Infantiletan, palaz, Irati Aranburu eta Malen Maiz asteasuarrek Naroa Arretxe eta Irati Tejeria adunarren aurka jokatuko dute.
Azkenik, alebinetan, eskuz, Amasa-Villabonako Eñaut Oñate eta Urko Otaegi bikoteak, Oihan Lanzeta eta Aimar Segurola asteasuarren aurka jokatuko du.
Pilota izango da protagonista, bihar arratsaldean, Larraulgo frontoian. 16:00etan hasita, Aiztondoko XXII. Pilota Topaketako finalak jokatuko dira. Sei herritako pilotariak aritu dira lehian, topaketan: Amasa-Villabona, Aduna, Zizurkil, Asteasu, Larraul eta Alkiza.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!