'Luzia espia' ipuin kontaketa liburutegian

Luzia Espiak ikusezin izan nahiko luke, ezkutuan eta isil-isilik pistak jarraitu eta liburu eta ipuinetako kontakizunen berri jakiteko; baina ez du inoiz lortzen oharkabean igarotzea, haurrek berehala atzeman eta berarekin batera fantasiazko abenturatan murgildu nahi izaten baitute.

Kontaketa saio berezia proposatzen digu Luziak: haurren parte hartzea bultzatuz, pista ezberdinak jarraituko dituzte eta guztien artean ipuin, kontakizun, kondaira, poesia, aho-korapilo eta asmakizun mordoa ezagutuko. Ipuinak partekatu egingo ditu Luziak, ilusioa eta fantasia piztuz haurrengan, kontaketaren protagonista zuzen bihurtuz, entzule aktibo gisara.