Herriko 20 gaztek baino gehiagok hartu dute parte herri kiroletan. Bi taldetan banatu dira, baina elkarren aurka aritu baino gehiago, elkarrekin arratsalde pasa ederra egin dute.
Talde bakoitzeko dozena bat gazte izan dira, eta proba anitz egin behar izan dituzte: txingak, trontza, lokotx bilketa, aizkora, korrika saioa, pirikaioa, sagar bilketa...
Gaurko beroa ikusita, mereziak zituzten erakustaldia ikustera gerturatu diren herritarren txaloak. Batek baino gehiagok, gainera, bustialdi ederra hartu du mangerarekin, probak amaitu ostean.
Gauean, berriz, mahaiaren bueltan bildu dira herritarrak. Herri afariak ia 100 larrauldar bildu ditu, gau-giro paregabearekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
