Larraulgo udalbatzak Herri Ostatuaren zerbitzua 5 urtez ustiatzeko esleipen prozesua abian jartzea onartu zuen urtarrilaren 11ko egindako osoko bilkuran, eta aurreko ostegunean egindakoan proposamenak aurkezteko epea luzatzea erabaki zuen, martxoaren 9ra arte.
Prozedura horretan parte hartzeko interesa duenak Larraulgo udaletxeko idazkaritzan aurkeztu beharko du dokumentazio guztia. Proposamenarekin batera, Baldintza Ekonomiko-Administratiboen Pleguan eskatutakoa aurkeztu beharko da, hau da, 3.000 euroko bermea. Informazio gehiago 943 693 042 telefonoan edo udala@larraul.eus helbidean eska daiteke.