Udalbatza, otsailaren 15ean, 20:30ean bilduko da udaletxean gai zerrendan zehaztutako puntuak eztabaidatzeko.
Besteak beste, Larraulgo Herri Ostatua zerbitzu kudeaketarako kontratua esleitzeko lehiaketa publikoaren epea luzatzea eztabaidatuko dute zinegotziek.
Larraul, Hernio, Larraul mendi lasterketa antolatzeko aurtengo diru laguntzaren eskaera ere aztertuko dute eta hiri lurreko ataripe eraikuntzak arautzen dituen ordenantzari hasierako onarpena emango zaio, besteak beste.
Hala badagokio, Tolosaldea Buseko langileei babesa emateko aukera ere aztertuko dute udalbatzako kideek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!