Katillu Txulo elkartearen ekimenez eta Larraulgo Udalarekin elkarlanean, kultur asteari hasiera emateko irteera antolatu dute azaroaren 25erako. Izen emateko azken eguna, azaroaren 10a izango da eta irteeraren kostua 40 eurokoa izango da.
Azaroaren 25ean, 08:30ean aterako dira Larraulgo plazatik autobusez eta 10:30ean Laguardia herrian geldialdia egingo dute. 13:00etan iritsiko dira Pierola bodegara eta bisita gidatuaren ondoren bertan bazkalduko dute.
Erreserba egiteko Katillu Txulo elkarteko kontuan diru ekarpena egin beharko da eta kontzeptuan, "bodega eta izen abizenak" zehaztu beharko dira. Hau da Laboral Kutxako kontua: ES90 3035 0046 7304 60038605.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!