Batetik, herriko taldea aritu da, eta bestetik, berriz, Senpere. Bertaratu diren herritarrei, ezkutuan dagoen kirol hau ezagutarazteko aukera eskaini asmoz joan badira ere, biek hala biek, partida ona jokatu dute, eta azken emaitzara bitarte izan da emozioa. Amaieran, Larraul garaile 5-4. Orain, larrauldarrek beste erronka bat dute, Euskal Herriko txapelketan ariko baitira, Gipuzkoako bigarren taldea ordezkatuz, gainerako probintzietako taldeen aurka. Hortaz, entrenamendu bezala balio izan du gaurko partidak.
Bien bitartean, larrauldarrek festa giroan jarraituko dute, eguna amaitu bitartean. Arratsaldean, trikiti doinuak nagusituko dira herrian, Ansorregi eta Larrañagaren ardura izango delako herria alaitzea.
