Goizean, sagardo dastaketa, herriko haurren dantza emanaldia eta toka txapelketa izan dituzte herrian, eta ondoren xahututako indarrak berreskuratzeko asmotan, paella herrikoia ospatu dute plaza inguruko aterpean. Batzuk, tokirik gabe geratu dira eta kanpoan jan behar izan dute. Nabaria zen, festak amaitzear direla, nekea nagusi zelako askoren aurpegietan.
Orain, berriz, bertso saio bikainaz gozatzen ariko dira gehienak. Bertan, kantuan ari direnak, Amets Arzallus, Maialen Lujanbio, Oihana Iguaran eta Unai Mendizabal dira, herriko bertso taldeko kideen esanetara. Iluntzean, berriz, festetan azken doinuak jo eta kantatzeko ardura, Laja gaztea eta Elustondo trikitilariena izango da, iluntzera bitarte ariko direlako hauspoari eta panderoari eragiten.
