Aspaldiko ohiturari jarraituz, Larraulgo Udalak, hainbat hobekuntza auzolanaren bidez antolatzeko asmoa du. Ekainaren 5ean, 08:00etan plazan egin dute hitzordua.
Usarrabi erreka gainean oinezkoak paastzeko zubi baten eraikuntza egingo dute herritarrek elkarrekin, era horretan, PR-116 bidea erraztuz.
Egun horretan lagundu ahal izateko eta asegurua egin ahal izateko, izen-abizenak, N.A.N. zenbakia eta jaiotze data udaletxean eman beharko dira. Ekainaren 2a baino lehen egin beharko da eta baldintza bakarra, 18 urteak beteak edukitzea izango da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?