Meza nagusira joan ondoren, Katillutxulo Elkartean hamaiketakoa egiteko aukera izan dute. Nahiko salda, txorizo eta haragi egosi jan ondoren haurren txanda iritsi da, jolasak egin dituzte herriko plazan. Arratsaldean ere herritarrak izango dira protagonista. Herri kirol saioa eskainiko dute 18:00etan. Horren ondoren eta festei amaiera emateko, Lidia eta Itzeder trikitilariek alaituko dute plaza ingurua.
San Esteban jaiak bukatuagatik 24ra begira jarriko dira, San Bartolome eguna ere ospatzen baitute Larraulen. Hona hemen egitaraua:
- 10:00 Arku tiraketa
- 11:00 Meza Nagusia
- 12:00 Hamaiketako herrikoia (Katillutxulo Elkartean)
- 13:00 Ahari jokoa
- 16:00 Herritarren arteko Pala partidu mixtoa
- 18:00 Pilota partidua. Urbieta I. eta Gorrotxategi – Urbieta II. eta Aranburu
- 19:30 ANSORREGI eta LARRAÑAGA trikitilariak arratsalde eta gauean.