Gaur goizean kotxeak iritsi eta iritsi ibili dira Larraulen. Zakuak eta motxilak hartu eta Hezkide eskolara joan dira guztiak. Araba, Bizkaia, Gipuzkoa eta Madriletik etorritako 45 emakume bildu dira bertan, gaur eta bihar ospatuko den Batukada Feministen topaketan parte hartzeko.
Asteburuan zehar batukadari lotutako hainbat tailerretan parte hartu ahal izango dute, eta tailer hauetan prestigio handiko irakasleak izango dituzte gidari. 11:00ak inguruan eman diote hasiera lehen tailerrari, eta bertan izan dute, esate baterako, Elena Alvarez madrildarra. Instrumentuak jotzeaz gain, erritmoa ere landuko dute eta gaurko tailerrean lehen pausoak horretan eman dituzte. Horrez gain, feminismoari ere bere lekutxoa emango diete, eta eztabaidak izango dituzte elkarrekin iritziak konpartitzeko.
Bi egunetarako egitarau osoa dute prestatuta, Larraulen:
Gaur
14:00 Bazkaria
16:30 Eztabaida, Batukada Feminista. Musika, eraldaketarako bidea?
18:00 Batukada tailerra.
20:00 Herrian zehar erakustaldia.
21:00 Afaria.
Ondoren. Afaloste musikatua.
Bihar
11:00 Erritmo afrobrasildarren II. tailerra
14:00 Bazkaria.