Zumardiak Kosmetika Naturaleko Tailerra antolatu du abenduaren 26tik 28ra. Hiru eguneko tailerra izango da, hortaz, goizeko ordutegian: 11:00etatik 12:30era, Tolosako Batxiller Zaldibia kalean dagoen Osabi Naturala laborategian.
Sendabelar, aromateripia eta oinarrizko osagaiekin kosmetika naturala egiten ikasiko dute haurrek Bidatz Sasiain biologian lizentziadunarekin. Ikasleei errezetak banatuko dizkiete, eta horiekin produktu naturalak sortuko dituzte, hala nola, bainu bonbak, kalendula olioa, ezpainetako kakaoa, hortzetako pasta edota aurpegiko maskarak. Elikadurak eta bizi ohituren azalean nola eragiten duten ere izango dute hizpide.
Izen-ematea zabalik da, eta 55 euroko prezioa izango du ez-bazkideentzat, 50 eurokoa bazkideentzat. Gehienez 9 lagunek eman ahal izango dute izena.