Tolosa eta inguruko mendi eta basoetara irteerak, orientazio jokoak… naturan jolasteko aukera eskainiko du Gabonetan Zumardiak, sortu duen Mendi Eskolarekin. Mendizaletasuna sustatzea da helburu nagusienetako bat, laguntasuna eta errespetuzko balio sozialak lantzearekin batera.
Ibon Artola Mendi Kirol Teknikari eta gidaria arduratuko da koordinazio lanaz, eta besteak beste, segurtasuna, ingurumena eta orientazioa landuko dituzte. Gutxieneko sei laguneko taldea osatu beharko da ikastaroak aurrera egin dezan.
Izen-ematea zabalik da dagoeneko, zumardiaren webgunean. Ikastaroaren prezioa 40 eurokoa da haur bakoitzeko, bazkideentzat, berriz, 35 eurokoa. Izen-ematearekin batera, ikastaroaren ordainketa egin beharko da, kontzeptuan Mendi Eskola eta ikaslearen izen-abizenak zehaztuz. Hauxe da kontu korrontea: Euskadiko Kutxa ES27 3035 0028 1202 8011 8037. Ondoren, ordainagiria info@zumardia.eus helbidera bidali beharko da.