Pasa den apirilaren 12an, LH 5-6ko ikasleak, hiru irakasle eta Buruntzuntzin elkarteko lau kide Arritzagako minetara joan ziren Lizar landareak landatzera. Goizean eskolatik irten, Akeloketan gora igo, eta Arritzagako mina inguruan, museo ondoan, zuhaixkak landatu zituzten. Zuhaitzari argazkia atera eta bakoitzari jabearen izena ere jarri zioten. Lizar bat landatzeko bi pertsona behar ziren eta bikote bakoitzak bi lizar landatu zituen.
Eguraldi bikaina lagun, bertako kazueletan (putzuetan) bainatuz freskatu ziren. Ondoren, Buruntzuntzin mendi aterpe kanpoaldean bakoitzak etxetik eramandako ogitartekoa bazkaldu eta arratsaldean, 16:30etarako eskolara itzuli ziren. Ez zuten denbora alperrik galdu!
Egun ederra pasa zuten naturaz gozatuz eta zainduz. Beraiek diotenez: «Irteerarik onenetakoa bat!». Horren lekuko bertan atera zituzten argazkiak.
Ekintza honen proposamena eta antolaketa Buruntzuntzin elkartekoen eskutik heldu zen eskolara. Orain, zuhaitz horien garapena zein den jakin-minez, tarteka gazteak beraien zuhaitza ikustera joango dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
