Eguberri bezpera Zumadirentzat egun seinalatua izaten da. Eskola komunitatea bi taldetan banatuta, herrian kantari ibiltzen da. Gaurkoan ezin trazioak hutsik egin, 09:30ean nagusienak Ugartetik atera dira, etxez etxe Gabon kantuak eskainiz. Eta txikiagoak Amezketako elizatik, 10:00etan, hauek ere eztarriak bero, kantari.
Eguerdi partean, eta plazan hamaiketakoa egin aurretik, omenaldien txanda izan da. Zumadik gogoan izan nahi izan ditu urte luzez Amezketan irakasle izandako Guadalupe Altuna eta Joxepi Saralegi.
Mari Domingiren enkarguz, bertsoa egokituta kantatu diete bi irakasleei. Eta txalo artean, lore sorta bana eman dizkiete egungo ikasleek Guadalupe eta Joxepiri.
Doinua: Gaueko izar argitsuenak
Ume, guraso, atton-amonak
denak izenez agurtzen,
Guadalupe zure irriparra
ez da sekula agortzen...
Amezketari eman diozun
dena zaila da eskertzen,
baino zuk segi Eguberritan
Amezketara etortzen!!!(bi aldiz)
Eguberriro, Eguberriro,
zu ere gurekin Joxepi,
andereño, ama eta amona
paper guztitan ederki...
Herriko lehen andereñoa,
ta herria zure atzeti;
gure irakasle kuttuna izango
zaitugu Joxepi beti!!!(bi aldiz)
Haur ta guraso arten kantari
berrogeita hamar urte,
Gabon giroa herrira ekartzen
fin hartu dezue parte...
"Eguberri on" esanez denei
Amezketan atez-ate;
Mari Domingi ta Ama Birjina
guretzat zuek zerate!!!(bi aldiz)
Gabon jira hau egin dezue
herrian mende erdi batez,
herri-giroa, goxotasuna,
hauspotzeko borondatez...
Zumadi eskola ta Amezketa
herri osoaren partez,
ESKERRIK ASKO, ta segi holaxe
nahi dezuen aina urtez!!!(bi aldiz)