Kiva eguna ospatu dute Zubimusu Ikastolako ikasle eta irakasleek

Erabiltzailearen aurpegia Zubimusu Ikastola 2018ko urr. 11a, 17:06

KiVa eskola-jazarpena prebenitzeko eta jazarpen kasuei modu eraginkorrean aurre egiteko programa bat da. Gaur Kiva Eguna ospatu dute Villabonako eta Zizurkilgo ikasle eta irakasleek, Zubimusu ikastolan inolako jazarpenik ez dela onartzen aldarrikatzeko.

Jazarpen kasuen aurrean, ezinbestekoa da eskola komunitate guztiaren inplikazioa eta horixe da, hain justu, Kiva proiektuak bultzatzen duena. Eraso baten aurrean, ikaskideak biktima babestera animatzen ditu programak. Hori guztia bideratzeko eta batik bat, eskola jazarpena prebenitzeko, irakasleek ere formakuntza jaso zuten.

Ondokoari beti errespetua zor zaiola gogorarazteko gaur Kiva Eguna antolatu da. Jolastokian Kiva programaren irudia irudikatu dute eta helduenek geletan lanketa sakona egin dute, lagunartea aldarrikatuz.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!