Zubimusu Ikastolako Lehen Hezkuntzako 6. mailako ikasleen eskutik jaso du oraingoan laguntza Caritas erakundeak. Apirilean egindako azoka solidarioan lortutako irabaziak Caritasi ematea erabaki dute neska-mutilek.
Erakundearen izenean, Hilario Urdanpilletak jaso du bildutako dirua, 250 eurotik gora.
Elkartasunari bide emanez, apirilean egin zuten azoka ikasleek etxeko jostailu, liburu eta gainerako artikuluak salmentara ateraz. Ekimenak helburu bikoitza du. Batetik beharrean daudenei laguntzea eta bestetik, artikuluak berrerabiltzeko aukera eskaintzea.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
