Zubimusu ikastolak iazko ikasturtean ezarri zuen Lehen Hezkuntzan Finlandiatik datorren Kiva programa ezaguna eskola jazarpena prebenitzeko xedez. Aurtengo ikasturtean metodologia DBHko lehenengo mailara ere zabalduko da. Zubimusu ikastolan programa gauzatzeaz arduratzen den lan taldeak informazio bilera deitu du gurasoentzat programa zertan datzan eta nola lantzen den azaltzeko.
Esan EZ bullyingari Kivarekin! lelopean, programak kasu bakoitza banakako eta taldekako elkarrizketen bidez jorratzen du, eskolako Kiva lan-taldearen eta inplikatutako ikasleen artean. Helburua eskola jazarpena desagerraraztea da. Ez dadila ikasle bakar bat egon sufritzen. Ikaskideak, besteak beste, biktima babestearen garrantziaz jabetzen dira metodo honen bitartez.