Aurten ere DBH3ko ikasleek Social Sciences-eko azken proiektuan, Alboan GKEarekin batera Kongoko biztanleei laguntzeko mugikorrak jasoko dituzte. Erronka da gutxienez iaz baino mugikor bat gehiago biltzea, hau da, 132.
Ikasturtea amaitu bitartean Zubimusu ikastolako hiru eraikinetan entregatu ahal da mugikor zaharra.
Alboan erakundearen ekimenarekin bat egin dute ikasleek “Mugikorrak Kongoren alde” kanpaina indartuz eta “gatazkarik gabeko teknologia” sustatuz. Ekintza humanitarioa da, Alboanen esanetan, “mugikorrak birziklatuz lortutako diruarekin, garapen arloko proiektu humanitarioak egitea” da asmoa Kongoko Errepublika Demokratikoaren ekialdean. Halaber, egitasmoak ingurumenaren zaintza eta kontsumo arduratsua hartzen ditu aintzat.
Beraz, animatu mugikorra uztera arrazoi on bategatik!
Eman zure mugikor zaharra arrazoi on bategatik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!