Hizlaria Arrasateko Arizmendi Ikastolako zuzendari Iñaki Etxezarreta izango da. Arrasateko Arizmendi ikastolan urteak daramatzate bilakaera pedagogiko honetan lanean. Aitzindaria da.
Zubimusu Ikastolak eredu pedagogiko hau ezarriko du datorren ikasturtean Haur Hezkuntzan eta lehenengo urratsak Zizurkilgo zentroan emango ditu. Gurasoei eta interesa duen orori Konfiantzaren Pedagogia zer den azaltzeko hitzaldia antolatu du ikastolak. Eredu honek, erdi-erdian haurra kokatzen du, pertsona ikaslea baino lehen, hain zuzen. Umetatik autoestimua eta haurraren gaitasunak garatzeko diseinaturiko metodologia da.