Egun gutxi falta diren arren, Zubimusuko ikasle talde bat iaztik ari da lanean gogor Erronkan parte hartzeko. DBHko 3.en eta 4.en mailako 16 ikaslek, besteak beste, aurkezpen bideo bat egin behar izan dute. Bideoa sarean zintzilikaturik dago eta bozketa bidez, puntuazioa igotzeko aukera eskaintzen da
Egunean bertan, ikasleek bi kapitain eraman beharko dituzte Usurbilera. Zubimusu Ikastolak Ane Iriarte txirrindularia eta Aitor Ormazabal, Gu ta Gutarrok saioko parte hartzailea gonbidatu ditu lan horietarako.
Erronka Kilometroak festak gaztetxoek parte hartze aktiboagoa izateko sorturiko ekimena da. Ikastola ezberdinetako erronkariek proba ezberdinetan hartu beharko dute parte. Dagoeneko bi probetan parte hartu dute eta beste hirurak egunean bertan egingo dituzte. Probak taldeka gainditu beharrekoak dira, laguntasuna eta kooperazioa ardatz hartuta.