Zizurkilgo Udalak eta Herribizigune taldeak, herri batzarra deitu dute ostiral iluntzerako, Plaza Etxeberri eraikinaren inguruan aritzeko.
Udaleko parte hartze batzordearen eskariz Herribizigune herritar taldeak parte hartze prozesua sustatu du. Prozesu horretatik eratorritako ondorioak aurkezteaz gain, datozen erronken inguruan hausnartu eta proiektuari forma ematen hastea da herri batzarraren helburua.
Zizurkildar guztiei bertaratzeko deia egiten zaie, elkarlanean proiektu eder baten lehen hazia jartzen hasteko.
Ostiral honetan, Iriarte Kultur Etxean jarri dute hitzordua, 18:30etan hasita.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
