Larunbatean amaituko da Teodoro Hernandorena ipuin Lehiaketara lanak aurkezteko epea. Urteurren berezia dugu, gainera, aurtengoa, bigarren hamarkada bete baitu gure ipuin-lehiaketak!
Denok animatu nahi zaituztegu, haur, gazte, heldu zein adineko, lehiaketaren historian zuen arrastoa uzteko. Hortaz, badakizue, oraindik lanik prest ez baduzue, hartu arkatza eta papera edo ordenagailua, eta utzi zuen irudimenari hegan egiten. Ikusiko duzue zein gustura geratuko zareten, eta zenbateko mesedea egingo dizuen barrunbeak husteak.
Atzerako kontaketa abian da jada, eta epaimahaikideak prest ditugu zuen lanak jasotzeko.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
