Asteazkenean, irailaren 29an, MINTZAPOZA TONBOLA jarriko da Joxe Arregi plazan, 19:00etatik 20:00etara bitartean. Mintzalagun proiektua zer den jakinaraziko da bertan, herrian talde batzuk badaudela adieraziko da eta euskaldun zahar zein berriak proiektuan parte hartzera animatuko dira. Gainera, izena eman nahi duenak aukera izango du horretarako.
Gurutzegrama bat emango zaie mahaira gerturatzen diren guztiei, eta betetzen duten guztiei boleto bat emango zaie, doan. 70 sari banatuko dira, batzuk oso potoloak, gainera: 2 lagunentzako gaua nekazalturismo batean, poltsak, kantinplorak...
Asteazkenean, beraz, 19:00etatik 20:00etara, hitzordua dugu Joxe Arregi plazan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
