Literatur tertulia egingo dute gaur Plazida Otaño liburutegian. Ane Labaka Mayoz “Algara mutilatuak” liburuari buruz mintzatuko da, Oihana Iguaran moderatzaile lanetan dela. Arratsaldeko 18:00etan hasiko da euskarazko literatura tertulia.
Beste alde batetik, ostiralean, maiatzaren 7an, hasiko dira Danena Txirrindularitza Taldeak antolatutako bizikleta mekanikako tailerrak. 18:30etik 20:30era bitartean, bizikletaren mantenua eta transmisioa landuko dute lehenengo tailer honetan. Ostiralero izango dira tailerrak, eta tailer bakarrean, bat baino gehiagotna edo denetan parte hartzeko aukera izango da. Saio bakoitzaren prezioa 5 eurokoa da, eta denetan izena emanez gero, 15 euro. Izen-emateak: udal-bulegoetan eta 943691012 telefono-zenbakian (4. Luzapena).
Azkenik, larunbatean, maiatzaren 8an, Zizurkilen jaio zen emakume iraultzaile baten bizimodua ezagutu ahal izango dugu “Kasilda, bukatzen ez den sua” antzezlanari esker. Kasilda Hernaez Vargas da antzezlaneko protagonista. Ideia libertarioen eta bizimodu natural baten alde borrokatu zen bere bizitza osoan zehar. Haren bizipenak antzeztuko dituzte Iluntzeko 19:45ean izango da, Intxaur frontoian. Sarrerak udal-bulegoetan eros daitezke, 3 euroan.