Danenako instalakuntzetan egindako eraberritze lanen ondorioz, kanpoaldeko muralak konponketa eta margoketa lan berriak behar zituen. Larunbatean, otsailaren 20an, Zizurkilgo Gaztezuloko DBHko gazteek egin zituzten lan horiek.
Alboan izan zituzten laguntzen Ane Artutxa, Gaztezuloko hezitzailea; Beñat García, Mattin Gizarte Abenturako dinamizatzailea; eta Garikoitz C. Murua graffitilaria, jatorrizko muralaren egilea.
Gustura aritu ziren gazteak margoekin lanean eta emaitza ere ikusgarria izan da.
DBHko gazte taldea gustura dabil Gaztezulon eta ekimen ezberdinak ari dira prestatzen. Otsaileko asteburuetan elkartu, eta ekitaldi ezberdinetan parte hartu dute eta etorkizunera begira ere beste zenbait ekimen lantzen ari dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
